طريقة انشاء مدونة بلوجر والربح منها 2020
طريقة انشاء موقع الكتروني على جوجل
كيفية عمل مدونة على جوجل ؟
اليوم هنتكلم عن موضوع مهم جدا للغاية وهوا طريقة انشاء مدونة بلوجر او عمل مدونة على جوجل والربح منها 2020 وهناك اسامي اخري لهذه الطريقة مثل كيفية عمل موقع مجاني على جوجل وهذا الموضوع تكلم عنه الكثير من اليوتيوبرز المشهورين وانا هتكلم عنو انهاردة بكل تفصيل وشرح شامل با التفصيل الممل وبعد الشرح دا ان شاء الله هتنشأ مدونة بلوجر وهتربح منها اللاف الدولارات شهريا ان شاء الله :)
كيفية عمل مدونة على جوجل او انشاء مدونة بلوجر
اول شئ هنذهب لمحرك البحث جوجل ونبحث عن بلوجر وبعد البحث هنختار اول نتيجة البحث الي هيا
نتائج البحث
نتائج بحث الويب
يمكنك إنشاء مدونة جميلة وفريدة
وبعد كدا هنضغط عليها هيفتحلنا صفحة وفيها زربا اللون الاصفر اسمو انشئ مدونتك
هنضغط عليه وبعد كدا هنختار الحساب الجيميل الي هيكون عليه المدونة او الموقع بتاعك وبعد كدا هيظهرلنا صفحة با المنظر دا هنكتب في اسم النموذج الاسم الي هتعمل بيه المدونة يعني انا علي سبيل المثال هكتبو Mo7ameD_MEDo انتا اكتبو اي حاجة لان هنغيرو بعدين اصلا لاننا هنشري دومين مدفوع او حتي دومين مجاني فا دومين المدونة دا مش بنحتاجو في اي حاجة خالص وبعد كدا هنكتب العنوان الي هوا بيكون دومين المدونة لازم تكتب دومين مش معمول علشان يوافق علي انشاء المدونة يعني الدومين لو ينفع يتعمل هيكون العلامة با الصح زي مافي الصورة ولو مش هينفع هيجيب علامة تعجب با الاصفر ويقلك غير العنوان فا هتكتب عنوان تاني غير العنوان دا وتفضل تجرب لحد ما عنوان فيهم ينفع وتدوس انشاء
بعد متضغط علي انشاء مدونة بلوجر هيجيلك المدونة هتكون فاضيه تمامأ مفهاش اي مقالات او اي صفحات او اي شئ تمام فا في الحاله دي هتكون محتاج قالب كويس و دومين مجاني او مدفوع بس يستفضل يكون مدفوع من جودادي او نيم شيب و بعد ذالك هتركب الدومين الي هتجيبو مع قالب كويس متجاوب وسريع وتبدء العمل علي عليها
وطبعا الكل عاوز يعرف شكل المدونة بعد متتعمل هتكون شكلها ازاي , دي هيكون شكلها بعد متعمل المدونة وتضغط علي زر انشاء
بعد متضغط علي زر انشاء مدونة بلوجر هتكون با الشكل دا كدا مفهاش اي مقالات ولا فيها اي حاجة وبعد كدا هوريكم ازاي هننشأ المقالات ونغير قالب المدونة و نكتب صفحة سياسة الخصوصية واتفاقية الاستخدام و صفحة من نحن واتصل بنا
كل دا هنعرفو مع بعض دلوقتي ولاكن الان خلينا نشوف ازاي نغير قالب المدونة
اول شئ هنضغط علي المظهر في الشريط الي علي الجنب وبعد كدا هيفتح معنا صفحة با الشكل دا
هنضغط علي تعديل HTML وننتظر يحمل هيفتح معنا صفحة اكواد كتيره كدا هتكون با المنظر دا الي هنشوفو في الصورة دا هنغير كل الي فيها با اكواد القالب الي معاك
طبعا انتا هتحمل الاسكربيت الي يعجبك من علي الانترنت وتركبو عادي خالص في المدونة وبعد ذالك هتدوس علي كلمة حفظ المظهر الي لونها اورنج في الصورة فوق
وبعد ذالك سيتم حفظ القالب وبعدها تقدر تخش تاني علي قسم المشاركات وتبدء تنشئ اول مقاله ليك في المدونة وهذه افضل طريقة للشرح والان سوف نعرف كيفية كتابة المقاله با التفصيل الممل تابعوو معي
اول شئ هنضغط علي كلمة المشاركات ومن ثم سنختار كلمة مشاركة جديده هتكون في اعلي الصفحة من فوق ومن ثم سيدخلنا الي صفحة بهذا الشكل ....
طبعا الصفحة شبه صفحة الورد العاديه يعني تقدر تكتب مقاله بشكل طبيعي جدا اول شئ هنظبط الخط ونوعو وحجمو هنعملهم من علامة ال شبه حرف ال T الي من فوق خالص في الاول اول واحده دي بتعمل منها نوع الخط الي انتا عايزو يعني تختار النوع وكدا وتاني واحده بتختار منها حجم الخط يعني علي سبيل المثال عايز الخط يكون صغير او اصغر او كبير او كبير جدا وانتا هتختار منهم الخط الي يناسبك وطبعا دا بيختلف من شخص لاخر ومن مقال للتاني يعني مش كلو زي بعض كل واحد وليه طريقه خاصه
وتاني شئ المربع الي مكتوب فيه كلمة عادي دي بتختار منها نوع الفقرة الي انتا هتكتبها بمعني مثلا انا هكتب العنوان يبقا اكتب العنوان وبعدها ادوس علي المربع واختار منو كلمة العنوان وبعد العنوان مثلا هكتب العنوان الفرعي يبقا اكتب العنوان الفرعي زي منا عاوز وبعدها اجي عند المربع واختار منو العنوان الفرعي
ومثلا انا هكتب العنوان الثانوي يبقا هاجي عند المربع واختار منو العنوان الثانوي
وبعد متعمل قسم العنواين دي كلها الي هيا العنوان والثانوي والفرعي هتختار من المربع كلمة العادي وبعدها تبدء تكتب باقي المقال كلو علي كلمة العادي متغيرهاش
وبعد متكتب المقال طبعا هتبقا عاوز ان الخط يكون واضح وكويس زي الي بكتبو دا فا هتيجي من فوق بعد المربع الي فيه كلمة عادي هتيجي عند حرف ال B دا وتضغط عليه هتلاقي الكلام بقا افضل وشكلو بقا احسن بكتير جدا في الصفحة وبقا منثق تمام
وبعد كدا علامة / دي لم بتضغط عليها بتخلي الخط يكون واخد زاوية في الكتابه بمعني ان الكلام بتاعك هيكون واخد زاوية في الكتابة . وبعد كدا علامة ال U دي بتخلي تحت الكلام خط يعني اي كلمة او سطر بتكتبو وتحددو وتحتارها بتخلي تحطيه خط با الطول كدا يعني لو عاوز توضح كلمة او كدا فا اختار الخيار دا هيفيدك جدا
وبعد كدا علامة ال A دي من خلالها تقدر تغير الون الخاص با الكتابة الي انتا بتكتبها يعني مثلا لو عاوز تخلي لون الخط احمر او اخضر او كدا بدوس عليها وتختار الون الي انتا عايزو بكل بساطة من غير تعب او مشاكل .
وبعد كدا العلامة الي جنبها الي شبه الاستيكه دي بتغير لون الصفحة نفسو يعني الون الي ورا الخط يعني الصفحة عندك بتكون لونها ابيض طبيعي هيا بتغيرلك لون الصفحة دا نفسو وانا مش بفضل بكدا بصراحة لان بتبوظ لون الصفحة والزائر مش بيعرف يقرا المقال بسبب اللون فا الافضل تخليه الابيض زي ماهوا او متجيش جنبو اساسا علشان متخسرش الزوار .
وبعد كدا الارتباط دي مهمه جدا لانك من خلالها تقدر تركب اي رابط انتا عايزو علي اي كلمة او اي صورة او اي زرار وكدا بمعني انا مثلا بكتب مقال وعاوز احط رابط تحميل لبرنامج معين فا اعملها ازاي ؟ اول حاجة هنحدد الكلمة يعني مثلا كلمة هنا دي هتحددها او تحدد الكلمة الي انتا عاوزها طبعا وتضغط علي كلمة الارتباط وهتلقي سطرين تحت بعض كدا في اول سطر هتكتب اسم الكلمة يعني مثلا لو هتكتب كلمة هنا يبقا تكتبها وفي تاني سطر هتحط الرابط الي عايزو يفتح علي الكلمة او الصورة وبعد كدا هتلاقي علامتين صح كدا تحت بعض هتعلم علي الاتنين صح وتدوس ok وتقفل وهتلاقي لون الكلمة اتغير تلقائي معاك ولو جيت تضغط عليها هتفتحلك الرابط .
وبعد كلمة الارتباط هنلاقي علامة شبه علامة الصورة كدا ودي مهمتها انها بتخليك تركب صورة في المقال بمعني يعني لم بتكون بتتكلم مثلا عن مقال اسمو انشاء مدونة بلوجر والربح منها او اي مقال فا طبيعي بتكون عامل صورة للمقال فا بتبقا عاوزها تظهر من برا في القالب فا بتعملها من علامة الصورة الي من فوق دي بتضغط عليها
بتفتحلك صفحة فيها الكلمة دي تحميل صورة بتضغط عليها وتختار الصورة من الجهاز وتدوس موافق وهتلاقي الصورة نزلت علي طول في المدونة وبس كدا مش صعبه خالص ويعتبر دول اهم الادوات الي ممكن تحتجها لو هتكتب مقال وشرحت كل اداة فيهم واي لزمتها وازاي بتستخدام وشرحت كيفية انشاء مدونة مجانية والربح منها وعمل مدونة علي جوجل والان يكون انتهي المقال اتمني اكون افدتكم في هذا المقال ولو عندك اي استفسار تقدر تكتبهولي في التعليقات وهرد عليك في اسرع وقت ان شاء الله . والشرح القادم سنقدم شرح لطريقة انشاء موقع على جوجل سايت
تحياتي لكم : محمد ميدو
والسلام عليكم ورحمة الله وبركاته
Post a Comment